ಪಿಎಸ್ ಐ ನೇಮಕಾತಿ ಹಗರಣದ ಮಾಸ್ಟರ್ ಮೈಂಡ್ ಯಾರು ಎಂಬ ಕುರಿತು ಹಲವು ದಿನಗಳಿಂದ ರಾಜ್ಯಾದ್ಯಂತ ಚರ್ಚೆ ನಡೆಯುತ್ತಿದೆ. ಜೊತೆಗೆ ರಾಜಕೀಯ ವಲಯದಲ್ಲೂ ಈ ಕುರಿತು ಆರೋಪ ಪ್ರತ್ಯಾರೋಪಗಳು ಕೇಳಿ ಬರುತ್ತಿವೆ. ಈಗ ಈ ಅಕ್ರಮದ ಕಿಂಗ್ ಪಿನ್ ಯಾರೆಂಬುದು ತಿಳಿದು ಬಂದಿದೆ. ಪೊಲೀಸ್ ನೇಮಕಾತಿ ವಿಭಾಗದ DySP ಶಾಂತ ಕುಮಾರ್ ಈ ಹಗರದ ಕಿಂಗ್ ಪಿನ್.
ರಾಜ್ಯದಲ್ಲಿ OMR ದಂಧೆಯನ್ನು ಶುರು ಮಾಡಿದ್ದೇ ಶಾಂತಕುಮಾರ್. ನೇಮಕಾತಿ ವಿಭಾಗದ ಫುಲ್ ಇನ್ ಚಾರ್ಜ್ ಆಗಿರುವ ಶಾಂತಕುಮಾರ್ ಮೊದಲು CARನಲ್ಲಿ ಕಾನ್ಸ್ಟೇಬಲ್ ಆಗಿದ್ದ. ಈತನಿಗೆ ಕಂಪ್ಯೂಟರ್ ನಾಲೆಡ್ಜ್ ಇದೆ ಎಂದು CIDಗೆ ಡೆಪ್ಟೇಷನ್ ಮೇಲೆ ವರ್ಗಾವಣೆ ಮಾಡಲಾಗಿತ್ತು. CID ನೇಮಕಾತಿ ವಿಭಾಗದಲ್ಲಿ ಇದ್ದುಕೊಂಡು ಈತ PSI ಪರೀಕ್ಷೆ ಬರೆದಿದ್ದ. ತಾನೇ ಪರೀಕ್ಷೆ ಬರೆದು..ತಾನೇ ಮೌಲ್ಯಮಾಪನ ಮಾಡಿ.. ಪಿಎಸ್ ಐ ಆಗಿ ಸೆಲೆಕ್ಟ್ ಆಗಿದ್ದ. ನಂತರ 2005ನೇ ಬ್ಯಾಚ್ನ CAR ಪಿಎಸ್ಐ ಆಗಿ ನೇಮಕಗೊಂಡಿದ್ದ ಶಾಂತಕುಮಾರ್, ನೇಮಕಾತಿ ವಿಭಾಗದಲ್ಲೇ ಕಂಟಿನ್ಯೂ ಆಗಿದ್ದ. ಇನ್ನು ಡೆಪ್ಟೇಷನ್ ಮೇಲೆ ಅಲ್ಲೇ ಇನ್ಸ್ಪೆಕ್ಟರ್, DySPಯಾಗಿ ಪ್ರಮೋಷನ್ ಕೂಡ ದೊರೆತಿರುತ್ತದೆ.ಶಾಂತಕುಮಾರ್ ನೇಮಕಾತಿ ವಿಭಾಗದಲ್ಲಿ ಇದ್ದುಕೊಂಡೇ ತಾನು ಪಾಸಾದ ರೀತಿಯಲ್ಲೇ ನೂರಾರು ಜನರನ್ನು ಕಳ್ಳದಾರಿ ಮೂಲಕ ಪಾಸ್ ಮಾಡಿದ್ದ. ಈತ OMR ದಂಧೆ ಮೂಲಕವೇ ಕೋಟಿ-ಕೋಟಿ ಸಂಪಾದನೆ ಮಾಡಿದ್ದ. ಈತ ಬೆಂಗಳೂರಿನ ಒಬ್ಬ ACP, ಉತ್ತರ ಕರ್ನಾಟಕದ ಒಬ್ಬ DySP ಜತೆ ಸೇರಿ ಪಿಎಸ್ ಐ ನೇಮಕಾತಿ ಡೀಲ್ ಎಂಬ ಮಾಹಿತಿ ಹೊರಬಿದ್ದಿದೆ.
ಇನ್ನು 2015-16ರಲ್ಲೇ ಶಾಂತಕುಮಾರ್ ಅಕ್ರಮದ ವಾಸನೆ ಖಡಕ್ IPS ಮಧುಕರ್ ಶೆಟ್ಟಿಗೆ ಬಡಿದಿತ್ತು. 2015ರಲ್ಲಿ ನೇಮಕಾತಿ ವಿಭಾಗದ DIGಯಾಗಿದ್ದ ಮಧುಕರ್ ಶೆಟ್ಟಿ ಅವರು ಅಂದಿನ ಸರ್ಕಾರಕ್ಕೆ ಶಾಂತಕುಮಾರ್ ವಿರುದ್ಧ ರಿಪೋರ್ಟ್ ನೀಡಿದ್ದರು. ಆದರೆ ಶೆಟ್ಟಿ ನೀಡಿದ್ದ ರಿಪೋರ್ಟ್ ಅನ್ನು ಅಂದಿನ ಗೃಹ ಇಲಾಖೆ ಸಲಹೆಗಾರರು ಮುಚ್ಚಿ ಹಾಕಿದ್ದರು. ಶಾಂತಕುಮಾರ್ ವಿರುದ್ಧ ನೀಡಿದ್ದ ರಿಪೋರ್ಟ್ ಬಹಿರಂಗ ಆಗಲೇ ಇಲ್ಲ.
Post a Comment